فضيحة بتعليم بني ملال: مدرسة من مدارس الريادة بدون حارس وبدون منظفة.. والمديرية تتفرج!

صالح وراس
*كارثة حقيقية تعيشها فرعية الحربولية التابعة لمجموعة مدارس أمغيلة بمدينة بني ملال.*

مدرسة مصنفة ضمن *”مدارس الريادة”*، المشروع الملكي اللي صرفات عليه الوزارة الملايير، كتعيش اليوم في إهمال خطير وغير مسبوق.

المدرسة *بدون حارس أمن ليلي يحميها، وبدون عاملة نظافة* تنقي أقسامها ومراحيضها.

يعني بعبارة أخرى، *معدات وتجهيزات رقمية حديثة بملايين السنتيمات، موضوعة داخل مؤسسة أبوابها شبه مفتوحة للصوص والمتشردين في أي لحظة!*

آباء وأولياء التلاميذ كيغليو.. كيفاش مدرسة فيها ولاد صغار كيقراو بلا نظافة؟ فين هي الكرامة؟ فين هي شروط السلامة؟ وكيفاش نخليو مؤسسة تاع الريادة عرضة للسرقة والتخريب في أي ليلة؟

راه إلا تسرقات شي حاجة، شكون غادي يتحمل المسؤولية؟

*الآباء كيوجهو نداء مباشر للسيد المدير الإقليمي لوزارة التربية الوطنية ببني ملال، والسيد عامل الإقليم، باش يتدخلو فورا قبل ما توقع الكارثة.*

راه عيب وعار نشوفو مدارس الريادة بهاد الحالة المزرية في 2026