{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"remove":1},"is_sticker":false,"edited_since_last_sticker_save":true,"containsFTESticker":false}

”جريمة متكاملة: سرقو فلوسها.. وخلوها تموت.. والصيدلية خدامة فالنوار بسمية اليتامى!”

Last updated 7 - أغسطس - 2026 | 13:51 مساءً

متابعة : محمد بوفطيحي
*ملف 8/3112/2026: أرملة خنيفرة تستغيث والقانون يدفن*

ليست قصة نصب عادية. هذه جريمة متكاملة الأركان.
جريمة السرقة.. جريمة التزوير.. جريمة القتل البطيء.

*البطلة فيها أرملة*. باعت *3,600,000 درهم + 2,600,000 درهم*. باعت مستقبل ولادها اليتامى، باعة الفرماسيان، باش تشري “حياة”.
اليوم عندها 3 سنين وهي كتجر فالمحاكم. الملف *8/3112/2026* مرمي بين خنيفرة وفاس. وهي مرمية بين 4 حيطان ديال المستشفى كتعد الأنفاس وتقول كلمة وحدة: *”أنصفوني قبل ما ندفن”*.

*اعتراف يفجر الفضيحة: “خدامين بسميتنا فالنوار”*
الأرملة كسرت الصمت وقالتها بالفم المليان:
> *”حسبي الله ونعم الوكيل فيهم. أنا مريضة وكنموت بالبطئ. وهما خدامين بالصيدلية ديالنا. 3 سنوات دابا وهما ضاربين القانون عرض الحائط. لا ترخيص لا والو. والروجيستر كومورس باقي بسمية الورثة. يعني أي مصيبة وقعات غدا، غادي يشدوني أنا.. علاش؟ حيت خدامين فالنوار بسميتنا!”*
ما يقع هو استهتار بالقانون من رأسه حتى لرجليه:
بخصوص الصيدلية – القانون 17.04
الصيدلية ماشي دكان. نقل الملكية ديالها عندو شروط حديدية:
لازم موافقة كتابية من وزارة الصحة والمجلس الجهوي للصيادلة.
لازم المشتري يكون صيدلي مسجل.
ممنوع منعا كليا التسيير لحساب الغير أي واحد خدام بترخيص ماشي ديالو كيتابع جنائيا.
لازم تحويل السجل التجاري فأجل 3 أشهر. إلا بقى بسمية الورثة فهادي جناية تزوير واستعماله.
يعني اللي واقع دابا ماشي غير مخالفة.. هادي جناية
بخصوص العقار – القانون 39.08:
أي بيع ديال عقار أو أصل تجاري بلا موثق وبلا تسجيل فالمحافظة سميتو *”بيع باطل”*. والعمل به سميتو *تهرب ضريبي وتزوير*.
يعني الفلوس اللي تباعت بيها الصيدلية إلى ما تسجلوش، فالدولة ضايعة وحقوق الورثة ضايعة.
سؤال واحد فقط نوجهه لـ *السيد وزير الصحة* و *السيد الوكيل العام بفاس* و *المندوب الإقليمي للصحة بخنيفرة*:
كيفاش صيدلية كتبيع الدواء للمواطنين لمدة 3 سنوات وهي غير قانونية؟
شكون المسؤول إلى مات شي مواطن بدواء من هاد الصيدلية؟
وشكون غادي يحاسب إلى تورط اسم الورثة في شي جريمة؟
هادي ماشي غير أرملة. هادي أم. هادي مواطنة. هادي ضحية منظومة.
*الملف 8/3112/2026* ماشي رقم. هادي حياة ديال بنادم. الأرملة كتكوليكوم
> *”ما بغيتش صدقة. بغيت القانون ياخد مجراه. بغيت ولادي ما يتشردوش. بغيت نموت وأنا راسي مرفوع”*.. هكذا ختمت الأرملة كلامها.

*”جريمة متكاملة: سرقو فلوسها.. وخلوها تموت.. والصيدلية خدامة فالنوار بسمية اليتامى!”*

”جريمة متكاملة: سرقو فلوسها.. وخلوها تموت.. والصيدلية خدامة فالنوار بسمية اليتامى!”