*فضيحة ببني ملال.. ملعب قرب بـ الملايين يتحول لمزبلة ومراحيض في الهواء الطلق – فيديو*
بعدسة و قلم: صالح وراس
هادي ماشي صورة من شي دوار منسي.. هادي بني ملال حي بوشريط قلب المدينة!
فيديو صادم يوثق الحالة المزرية والكارثية التي أصبح عليها أحد ملاعب القرب، اللي تبنى بالملايين من فلوس الشعب، واليوم ولا كيشبه لكلشي إلا ملعب كرة القدم.
سياج مقطع، شباك مقطع، عشب اصطناعي محفور ومقطع، الأرضية عامرة زبل وميكا وقنينات وقاذورات، في مشهد مقزز يطرح أكثر من علامة استفهام حول مصير ملايين صرفات على هاد الملاعب.
فين هي الجماعة؟ فين هي الشركة المكلفة بالصيانة؟ فين هو المجلس الجماعي لبني ملال؟ واش هادو هما ملاعب القرب اللي صدعتونا بيهم في الحملات الانتخابية؟
أطفال الحي اللي من حقهم يلعبو الكرة، ولاو كيلعبو وسط الزبل والحشرات والروائح الكريهة اللي تهدد صحتهم، والمسؤولين في سبات عميق.
الساكنة كتصرخ وتقول: *”هذا راه عار.. إلى ما قديتوش على الصيانة سدو هاد الملاعب وحشمو شوية”*
كانطالبو والي جهة بني ملال خنيفرة بالتدخل العاجل ومحاسبة كل من تسبب في هاد المهزلة.